Санжар Керімбай мырзамен мектебіміздің 10 “В” сынып оқушыларының кездесу кеші

​Бүгін Қарасай аудандық кітапханасында белгілі шығыстанушы, ағартушы “Отбасы хрестоматиясы” қоғамдық қорының жетекшісі Санжар Керімбай мырзамен мектебіміздің 10 “В” сынып оқушылары кездесу кешіне қатысты. Кездесу барысында Санжар Керімбайдың “Өзбекәлі және мәдени майдан” атты кітабы талқыланды. Кітап авторы Санжар Керімбай кездесуде кітаптың қалай жазылғанын, іздену барысында тап болған қызықты жағдайлар мен анықталған тың деректерге тоқталды. Өзбекәлі Жәнібеков – қазақ халқының ұлттық мәдениетін, ана тілін, дәстүрі мен әдет-ғұрпын жаңғырту және дамыту жолында ерен еңбек сіңірген тұлға. Туынды қазақ мәдениетінің өрлеуі мен дамуына өлшеусіз үлес қосқан мемлекет және қоғам қайраткері, ұлы этнограф Өзбекәлі Жәнібековтың өмір жолы мен қызметіне арналған. Сонымен бірге Санжар Керімбайдың көптеген қазақ руханиятына қатысты сүбелі әңгімесі, жастарға арналған тәрбиелік мәні бар пікірлері айтылып, оқушылар көңілінен шықты. Іс-шара барысында Өзбекәлі Жәнібековтің сөзіне жазылған Шәмші Қалдаяқовтың әні «Арқалықтың ақ таңы» әні орындалды.​​​